Парламент 2005-жылдын бюджетинин аткарылышы боюнча талкуу жүргүзмөкчү. Ал эми 2007-жылдын бюджети тууралуу маселени кароо жаңы өкмөт куралгандан кийинкиге калтырылган. Көпчүлүк депутаттар 2007-жылдын бюджетин эки баскычтуу каржылоо системасына киргизүүнү жакташууда. Ал эми каржы жана экономика министри Акылбек Жапаровдун айтуусунда төрт баскычтуу бюджеттен шыр эле эки баскычка түшүүгө жергиликтүү өзүн-өзү башкаруу органдары даяр эмес, алгач үч баскычтуу каржылоо системасына кирген жеңил. Бул маалыматты каржы жана экономика министрлигинин басма сөз кызматы кабарлады.
