Жогорку Кеңештин комитетинин Феликс Кулов боюнча бүгүнкү чечими эч бир логикага жана мыйзамдуулукка жатпайт деп билдирди “Ар-Намыс” партиясынын төрагасы Эмил Алиев “Азаттыкка”. Анын пикиринде, буга чейин Куловго каршы атайын кампания жүрүп, керек болсо акча таратылган болушу ыктымал. “Ар-Намыс” партиясы эртең парламенттин алдына Куловду колдоп пикетке чыгышат. Бүгүн болсо Жогорку Кеңештин алдында “Бакиев-Кулов” тандемин колдоп 50дөй адам митингде турду. (ChO)
