Бишкек мэриясы шаардык кеңешке нааразылык чараларга чыгуунун жаңы жол-жобосун жөнөттү. Ага ылайык митинг жана пикетттерге 16 жашка чейинки балдарды тартууга болбойт. От жагып, тамак бышырып жана таштандыларды үйгөнгө тыюу салынат. Бозүй жана чатырларды орнотуш үчүн райондук акимчиликтен уруксат алыш керек. Нааразылык чаралар башкалаадагы жалпы колдонуудагы жана менчиктин мамлекеттик жана муниципалдык түрүндөгү ачык жайларда өткөрүлүшү керек.
