ТЕГЕРАН. Иран Эл Аралык Атомдук Энергия Агенттиги менен кызматташууга каршы эмес экенин билдирди. Кечээ Ирандын тышкы иштер министрлиги агенттиктин 38 кызматкерине өлкөгө кирүүгө тыйуу салынганын билдирген, ал эми бүгүн Иран МАГАТЭ менен өлкөнүн ортосунда эч кандай маселелер жок экенин жана МАГАТЭ өлкөдө ишин улантып жатканын айтып чыкты. МАГАТЭ болсо жакын арада уран байытуу баштала турган ишкананы Иран инспекторлор үчүн ачып берүүгө макул болбой жатканын маалымдады.