Тажик тарап Баткендин эки тургунун тоноочулук, адам уурдоо, барымтага алуу беренелери боюнча айыптоодо. Алар былтыр ноябрда Казакстандан кайткан тажик жарандарын Бишкектен мекенине алып баратышкан. Кыргыз тараптын айтымында, чек арага жеткенде жүргүнчүлөр жол кире төлөөдөн качып, тажик чек арачыларына туура эмес маалымат берген жана кыргыз жарандары милицияга өткөрүлүп берилген. Бул ишти кароо алгач ушул дүйшөмбүгө белгиленип, бирок жабырлануучулардын бири келбей калганынан бүгүнкүгө жылдырылган.(SM)
