Сербиянын президенти Борис Тадич эл аралык коомчулукту Косовонун келечектеги макамы тууралуу сүйлөшүүлөрдү он күнгө токтото турууга чакырды. Мунун себебин президент Тадич жаңы Серб парламентинин чогула электиги менен түшүндүрдү. БУУнун Косово маселесине байланышкан сүйлөшүүлөрү 13-февралга Венада белгиленген. Серб лидерлери БУУнун Косово тууралуу жаңы планын “ынангыс” деп баалашкан.
