Ошол эле учурда аталган акционердик коомдун соцфондго, салык инспекциясына, бюджеттик уюмдарга болгон карызы 3 млрд 200 млн сомду түзөт. “Улуттук электростанциялары” АКнун жетекчиси Сапарбек Балкыбековдун маалыматы боюнча каражаттын жетишсиздигинен борбордук ТЭЦтин ремонту, Камбарата-2 ГЭСинин курулушу үзгүлтүккө учураган. Ал эми электр энергиясынын керектөөчүлөр тарабынан уурдалышына 90% учурда көзөмөлчүлөр өздөрү жардам беришет дейт Сапарбек Балкыбеков. Анын сөзү боюнча Кыргызстанда жыл сайын 3 млрд сомдук электр энергиясы уурдалат.