Экономика багытындагы маанилүү мыйзам долбоорлорун парламент тарабынан кабыл алуу маселесин бүгүн өлкө башчысы Курманбек Бакиев президенттик администрациянын бөлүм башчылары менен болгон кезектеги жумушчу кеңешмесинде козгоду. Учурда Жогорку Кеңеште өкмөт тарабынан сунушталган кыркка чукул мыйзам долбоорлору бар. Бул тууралуу президенттин басма сөз кызматынан кабарлашты. Бакиев ошондой эле бюджеттик тармактагы кызматкерлердин эмгек маяналарын көбөйтүү боюнча жарлыктын аткарылышын көзөмөлдөөнү администрацияга тапшырды. (AJ)
