Үн тасмага байланыштуу Мамлекеттик улуттук коопсуздук комитети психологиялык кысым көрсөтүп жатат, деп билдирди “Адилет” бейөкмөт уюмунун башчысы Чолпон Жакупова. Анын айтымында, өткөн жума күнү Мамлекеттик улуттук коопсуздук комитетинин кызматкерлери процессуалдык Кодексти бузуп, суракка чакыруу кагазын беришкен. “МУКК аракеттерине нааразылык билдирип Башкы прокуратурага үч жолу арыз менен кайрылгам. Бирок ал жоопсуз калды. Биз азыр мыйзамды сыйлабаган өлкөдө жашап жатабыз”, дейт Жакупова.
