Ирак өкмөтү үч күндүн аралыгында Иран жана Сирия менен тогошкон чек арасын жаап, Багдаддагы коменданттык саатты узартууну чечти. Бул тууралуу мамлекеттик сыналгыдан генерал Абуд Канбар билдирди. 11-февралда Ирактагы америкалык командачылыктын атын атабаган өкүлдөрү Иранды жардыруучу куралдарды ирактык согушкерлерге сатууда деп айыптаган эле. Расмий Тегеран бул айыптоолорду четке каккан.