Текшерүү жогорку окуу жайлардагы билим берүү ишмердиги лицензиялык талаптарга канчалык жооп берерин аныктоо үчүн жүргүзүлөт. 2006-жылы министрлик медицина, юриспруденция жана экономика адистерин даярдаган ЖОЖдорду текшерип, лицензиялык талапка жооп бербегендиги үчүн 22 окуу жайынан 91 лицензияны чакырып алган. Ошол эле учурда лицензиясы жок эле билим берип жаткан окуу жайлар да бар экени аныкталган. Бул аракеттердин баардыгы өлкөдө жогорку билим берүүнүн төмөндөп кеткен сапатын көтөрүү максатында жасалууда. Бул жөнүндө бүгүн Билим жана илим министрлигинин коллегиясынын жыл жыйынтыгын чыгарган жыйынында айтылды.(KCh)
