Ирак премьер-министри Нури ал-Малики кечээ күнү АКШ президенти Жорж Буш менен видеобайланыш аркылуу сүйлөшүп, америкалык жана ирактык куралдуу күчтөр Багдад шаарында биргелешип жүргүзө баштаган коопсуздукту коргоо аракеттери укмуш ийгиликке алып келүүдө деп билдирди. Вашингтондун планы боюнча, Багдад шаарындагы абалды жөнгө салуу үчүн Иракка кошумча аскер жиберилет жана америкалыктар Ирактын куралдуу күчтөрүн машыктырууну күчөтөт.
