Таластын Бекмолдо айылынын тургундары жолго үч боз үй тигип, төрт күндөн бери эч кимди өткөрбөй турушат. Алар алгач Жерүйгө жумушчулардын 70 пайызы жергиликтүү калктан алынсын, облуска берилчү 3 миллион доллардын бир бөлүгү айыл өкмөткө берилсин деген талаптарды коюп келген эле. Тиешелүү тараптардан жетиштүү көңүл бурулбагандыктан эми кечээтен баштап Жерүй кенин жабуу талабы койула баштады. Жергиликтүү тургундар күнү-түнү уланып жаткан бул нааразылык чарага күндүзү 300 чакты, түнкүсүн 40-50 адам катышып жатканын айтышууда.(SM)
