Мындай маалыматты Илимдер академиясынын сейсмология институтунун директору Канатбек Абдырахманов бүгүн маалымат жыйынында билдирди. Анын айтымында, Ош, Чүй облустарынын аймагында он эки баллдык шкалада күчү 7-8 баллга жеткен зилзала болушу мүмкүн. Ал эми Тянь-Шань тоо кыркаларында 2003-жылы активдешкен катуу жер титирөөлөр 2009-жылга чейин уланат. Абдрахманов сейсмикалык коркунуч туудурган аймактарды жаңы картага түшүрүү, сейсмикалык бекеттерди радиотелеметрикалык цифралык аппараттар менен толуктоо зарылдыгын белгиледи. (AJ)