Кемин жана Отузадыр шайлоо округдары боюнча ЖК депутаттыгына талапкерлерди көрсөтүү 19-мартта аяктайт. Буга дейре Кемин районундагы аялдар уюму бул округдан экс-президенттин кызы Бермет Акаеванын, «Эмгек жана биримдик» партиясы Отузадырдан президенттин иниси Жаныш Бакиевдин талапкерлигин көрсөтөөрүн билдиришкен. Аталган округдардан мурда депутаттыкка шайланган Айдар Акаев менен Мурат Малабаев Жогорку Кеңештин ишине катышпагандыгы үчүн былтыр күздө мандатынан ажыратылган болчу. Бул эки округда шайлоо 29-апрелге белгиленген.(SM)
