“Тарыхтагы кара так” деп аталган фильм Бишкектеги тарых музейинде көрсөтүлдү. Анда 1916-жылы Орусия падышалыгынын жазалоочу отряддары тарабынан кырылган түндүк Кыргызстандын эли боюнча тарыхый документтерге негизделген фактылар, 1991-жылы Үркүндүн 75 жылдыгына арналып жасалган иш-чаралар жана өткөн жылы 90 жылдан бери көмүлбөй тоо-ташта калган сөөктөрдү көмүү жараяндары камтылган. Фильм “Асаба” кайра жаралуу партиясынын демилгеси менен мамлекеттик телерадиокомпаниясы тарабынан тартылган.