Кыргызстандын Брюсселдеги элчилигинде өткөн бүгүнкү жолугушууда 2008-жылдын апрелинен октябрга чейин Бишкектен Парижге чейин кыргыз аттарын чаап бара турган 30 чабарман тууралуу сөз болду. Ат жарыш Казакстан, Орусия, Украина, Польша, Чехия жана Германия мамлекеттери аркылуу өтөт. Бул иш-чара “Кыргыз аты” уюмунун кыргыз аттарын даңазалоо программасынын бир бөлүгү болуп саналат. Отуз кыргыз чабарманы өз кезегинде ат сыйлаган көчмөн кыргыз элинин маданий элчилери катары кабылданмакчы. “Кыргыз аты” уюму мындан алты жыл мурун француз айым Жаклин Рипардын жеке демилгеси менен түзүлгөн. (EBM)