Парламент төрагасы Марат Султанов Ирандын президенти Махмуд Ахмадинежад менен жолугушуп, эки тараптуу кызматташуу, аймактык коопсуздук, Шанхай кызматташтык уюму менен Экономикалык кызматтыштык уюмунун алкагында кызматташтыкты өркүндөтүү маселелесин талкуулашты. Ошондой эле Иран парламент жетекчиси жана депутаттары менен кыргыз депутаттары жолугушуп, эки өлкө ортосундагы достук, экономикалык кызматташуу багытында бир катар маселелерге макулдашууга жетиштик, деп билдирди Ирандан бүгүн депутат Карганбек Самаков. Спикер жетектеген курамында Жогорку Кеңештин он эки депутатынан турган делегация Иранда 15-мартка чейин болот.(AJ)
