НЬЮ-ЙОРК. Дүйнөлүк биржалардагы акциялардын наркынын төмөндөшү жөнүндө жаңы кабарлар келип түшүүдө. Лондон биржасынын индекси бүгүн эртең менен 1,7 процентке түшүп кетти. Курстардын төмөндөөсү америкалыктардын көбү турак жай сатып алуу үчүн алган карыздарын банктарга төгө албай жатат, деген маалымат кечээ Нью-Йорктогу биржада тараган соң башталган. Кабар АКШ экономикасынын абалы жөнүндө көптөгөн тынчсызданууларды жаратты.
