Премьер-министр Азим Исабеков “Азаттыктын” кабарчысы менен болгон маегинде өкмөт митингге жеткирбей, оппозиция менен сүйлөшүүсү керек деп билдирди. Анын сөзү боюнча өкмөт башчы катары ал өзү оппозиция менен жолугушууга даяр. Өкмөт башчынын айтымында коомдо туруктуулук болгондо гана экономикалык өнүгүү тууралуу кеп кылууга болот. Азим Исабеков донор өлкөлөр Кыргызстанда саясий кырдаал тынч болсо, инвестиция алып келүүгө куштар экендигин билдирип жатышкандыгын да маалымдады.
