ВАШИНГТОН. АКШнын сенаты Американын Ирактагы аскерлерин келерки жылдын март айына чейин чыгарып кетүүнү колдоду. Өткөн жума күнү өкүлдөр палатасы өлкөнүн Ирактагы жана Ооганстандагы аскерлеринин сарптоолору жөнүндөгү мыйзамды бекитип, Ирактан 2008-жылдын сентябрга чейин чыгып кетүүгө үндөгөн. Бирок палатада өткөн добуш берүүдөн кийин президент Буш Ирактан аскерлерди мөөнөтүнөн мурда чыгарып кетүү тууралуу кандай чечим болбосун, вето койо турганын билдирген.
