"Президенттин конституциялык реформага барам дегени, КТРди коомдук башкарууга бергени анын оппозиция менен сүйлөшүүлөрдү жүргүзүүгө даяр экендигин тастыктайт. Бирок Атамбаевдин өкмөт башчылыгына дайындалышы "Бириккен фронт" өңдүү оппозициялык күчтөр коюп жаткан талаптарга дал келбейт". Мындай пикирин "Азаттыкка" “Эркин Муун” либерал жаштар альянсынын координатору Мирсулжан Намазалиев билдирди. Анын айтымында, Алмаз Атамбаевдин премьер-министрликке дайындалышы мүмкүн экени мурда эле айтылган эле, Атамбаев болсо ошол себептен оппозициянын кескин талаптарын колдобой келген. (EBM)