Иран өкмөтү Улуттар уюмунун билдирүүсү жардам бере албайт деп комментарийледи. Британия спутниктен тартылган тасмага таянып, деңизчилер Иракка тийиштүү аймакта сүзүп жүрүп кармалганын айткан. Тегеран тарап британ деңизчилери Ирандын чек арасын бузуп өткөнү үчүн кармалды деп кайталоодо. Ал тапта Ирандын Лондондогу өкүлчүлүгү камалган аскерлер арасындагы жалгыз аял – Фэй Тэрнейдин экинчи катын жарыялады. Тэрней Британияны Ирактагы аскерлерин чыгарып кетүүгө чакырган.
БУУнун Коопсуздук кеңеши Британиялык 15 деңизчинин Иранда камалуусуна терең тынчсыздануусун билдирди
