ТАЛАС. Бүгүн алтын казуучу компанияларга каршы турган митингчилер облустук администрация алдына тигилген эки бозүйдү чечип, Талас районуна караштуу Манас айылынын күн чыгыш жагына тигип, Бишкек-Талас жолун тосууну көздөшүүдө. Азыркы тапта жол жабыла элек. Себеби администрация башчыларына жолду жабуу тууралу кат таштала электигин айтты митингчилердин лидерлеринин бири Улукбек Осмонов. Анын айтымында, ушундай эле акция Талас районуна караштуу Көпүрөбазар айылында өткөрүлөрүн жана “Андаш” кенине кетүүчү жолдун жээгине айыл тургундар бүгүн бозүй тигип жатканын кошумчалап кетти.(UA)
