Израилдин премьер-министри Эхуд Олмерт жөөт- араб чатагын чечүүгө байланышкан маселелерди талкуулоо үчүн араб лидерлери менен тынчтык конференциясын өткөрүүнү сунуш кылды. Бул тууралуу бүгүн Йерусалимде Евробиримдиктин учурдагы төрагасы –Германия канцлери Ангела Меркел менен бирге өткөргөн пресс-конференциясы учурунда айтты. Араб Лигасы уюму өткөн аптадагы саммитте өзүнүн беш жыл мурунку сунушун кайталаган эле. Ага ылайык 1967-жылкы согушта ээлеп алган араб жерлери бошотулган шартта араб өлкөлөрү Израилди тааныйт. Бул сунушту Израил мурда четке каккан болчу.
