БИШКЕК. «Атуулдук коом коррупцияга каршы» бейөкмөт уюмунун башчысы Төлөйкан Исмаилова, «Кылым шамы» уюмунун башчысы Азиза Абдырасулова жана президенттин алдындагы адам укуктарын коргоо комитетинин башчысы Турсунбек Акун президент Курманбек Бакиев менен “Бириккен фронттун” башчысы Феликс Куловду сүйлөштүрүүгө аракет жасап жатат. Бул тууралуу “Азаттыкка” Турсунбек Акун билдирди. Анын айтымында, укук коргоочулар өлкөдө түзүлгөн кырдаалды сүйлөшүүлөр жолу менен чечүүнү туура көрүшөт. Ал сүйлөшүүнү ишке ашырууга мурдагы биринчи катчы Турдакун Усубалиев сыяктуу аттуу-баштуу кишилер да жардам берүүгө даяр деди Турсунбек Акун. (КО)