Бүгүн кол коюлган жарлыкка ылайык, жумушчу тобу 11 адамдан туруп, анын бешөө бийлик тараптан, алтоо оппозициядан болот. Жумушчу топтун жетекчиси болуп премьер-министр бекитилди. Премьер А. Атамбаев мамлекеттик органдар жана ар кандай саясий күчтөр менен кеңешип-кесип, 5-апрелге чейин жумушчу топтун курамын түзүп чыгууга тийиш. Жумушчу топ конституциялык түзүлүштү жана башкаруу системасын өркүндөтүү боюнча бардык тараптар менен макулдашылган сунуштарды президентке 10-апрелге чейин киргизиши керек. Жумушчу топтун сунуштарын президент өз кезегинде Жогорку Кеңештин кароосуна жөнөтөт. (KCh)
19:50 Конституциялык түзүлүштү өркүндөтүү боюнча жумушчу топ түзүү тууралуу президент жарлыгы чыкты
