Мындай пикирин «Азаттыкка» Орусиянын Кыргызстандагы элчиси Валентин Власов саясий кырдаалга байланыштуу суроого жооп берип жатып билдирди. Орусия элчисин бүгүн премьер министр Алмаз Атамбаев кабыл алды. Жолугушууда элчи Орусиянын өкмөт башчысы Михаил Фрадковдун куттуктоо катын тапшырып, эки тараптуу кызматташтыкты талкуулашты. Элчи менен премьер министр жолугушуунун экинчи бөлүгүндө журналистерсиз сүйлөштү. Түшкө чейин премьер министр айрым саясий күчтөрдү Орусия колдоп жатат деген маалымат тараганын, бул маселе элчи менен жолугушууда талкууланарын парламент сессиясында билдирген болчу. (BuS)
