6-апрелге караган түнкү саат 2 жарымдарда Москва көчөсүндөгү беш кабат үйлөрдүн биринин биринчи кабатында жайгашкан «Береке» дүкөнүндө өрт чыккан. Өрттү өчүрүүгө 45 өрт өчүргүч, 7 өрт өчүрүүчү унаа тартылып, саат үчтөн өткөндө өчүрүлгөн. Өрт учурунда үстүнкү кабаттарда жашаган 80 адам сыртка чыгарылган. Жашоочулардын арасынан 9 адам жапа чегип, ооруканага жеткирилди. Учурда кырсыктын себептери иликтенүүдө. Бул тууралуу «Азаттыкка» чукул кырдаалдар министрлигинин маалымат кызматынан кабарлашты. (SM)
