Мындай маалыматты “Келечеги кең Кыргызстан үчүн” бириккен фронттун нарындагы штаб башчысы Сүйөркул Усубалиев билдирди. Анын айтымында, алардын басымдуу бөлүгүн Атбашы, Кочкор райондорунан келгендер түзөт. Анткени атбашылыктар Улуу жибек жолу, кочкорлуктар зилзала боюнча учурдагы бийликке өзгөчө нааразы. Бишкектин Жеңиш аянтына топтолгондордун арасынан “Арнамыс” партиясынын Акталаа району боюнча башчысы Жороев Жайнак акталаадан 150 киши келгенин, аларга жол кирени борбордук штабдан чечкенин билдирди. (KU)
