Бишкектин борбордук аянтында митингчилердин кармалышы тууралуу Ички иштер министрлиги билдирүү таратты. Кечээ укук коргоочу Турсунбек Акун адвокаты менен милициянын бөлүштүрүүчү жайына келип, тогуз митингчини алып чыгып кетишкен. Учурда камакка алынгандардын арасында митингчилер жок. Бар болсо дагы алар муну жашырууда деп айтылат министрликтин басма сөз кызматы тараткан билдирүүдө. “Биз Паспорт жана виза иштери боюнча департамент менен биргеликте иш алып барабыз. Андыктан кармалгандардын өздүгүн тастыктоо үч сааттан үч күнгө чейинки мөөнөттү талап кылат. Мас абалында кармалгандар бир суткага камакка алынат же болбосо 50 сомдон 150 сомго чейин айып пул төлөйт” деп белгиленет билдирүүдө. (ZMa)
