Президенттин карамагындагы укук коргоо комиссиясынын төрагасы Турсунбек Акундун көз карашында, 19-апрелдеги тартипсиздикке байланыштуу бийлик репрессиялык кадамдарга барып жатат деген айрым укук коргоочулардын дооматы туура эмес. Учурда паспорту жок деп саналгандардын айрымдары гана туугандары, жакындары келгенге чейин деп ички иштер кызматтарында кармалып турат дейт Турсунбек Акун. «Жарандык коом коррупцияга каршы» укуктук борборунун башчысы Төлөкан Исмаилова кечээ 147 адам паспорту жок деген негиздеме менен милиция кармагандыгын кабарлаган. Анын айтымында, Кыргызстандын ичинде, мындай негиздеме менен жарандарды кармап, камоо мыйзамда көрсөтүлгөн эмес. (BuS)
