Коопсуздук кызматынын камагында отурган оппозиция өкүлдөрү Өмүрбек Абдыракманов, Өмүрбек Субаналиев жана Адилет Айтикеев бүгүн кечке камактан тил кат аркылуу бошотулушу мүмкүн. Жогорку Кеңештин депутаты Өмүрбек Текебаевдин «Азаттыкка» билдиргенине караганда, премьер министр Алмаз Атамбаев, президенттик администрация башчысы Медет Садыркулов жакында өткөн жолугушууда ушундай убада беришти. Саясатчы бийлик өкүлдөрү менен жолугушуп, депутаттардын кепилдик берген катынын негизинде жана алардын коомдогу ордун эске алып, тил кат менен бошотууну сунуш кылган. (BuS)
