Кечээ күнү Маскөө шаарында Чехиянын президенти Вацлав Клаус менен жолукканда, орус президенти Владимир Путин - Чехиянын аймагында орнотула турган америкалык радар АКШнын өзөктүк курал системасынын бир бөлүгү жана аны орнотуу менен өзөктүк согуш коркунучу күчөп, касташкан тараптардын бири-бирин жок кылуу мүмкүнчүлүгү көтөрүлөт деп билдирди. Путиндин айтымында, Чехияда радардын жана кошуна Польшада антиракеталык ракеталардын орнотулушу 1980-жылдарда Европа аймагында америкалык "Першинг" ракеталарын орнотуу коркунучуна барабар.