АКШ коргоо министрлигинин басма сөз өкүлү Брайан Уитмен кечээ күнү билдиргенге караганда, "Ал-Каида" террордук уюму менен байланышкан дагы бир адам Куба аралындагы Гуантанамо аскерий базасына жеткирилди. Кармалган Абд ал-Хади ал-Ираки деген адам Пакистан президенти Первез Мушаррафтын өмүрүнө кол салуу ишине да катышкан жана Иракка келе жаткан жолунда кармалды.
