Кемин жана Отузадыр шайлоо округдарында кечки саат сегизде шайлоо участкалары жабылды. Учурда добуштар саналууда. Добуш берүү бүткөндөн кийинки маалыматтар боюнча Кеминде тизмедеги жалпы шайлоочулардын 55,4 пайызы, Отузадырда 57,7 пайызы шайлоого катышты. Бул тууралуу Борбордук шайлоо комиссиясынан кабарлашты. Жогорку Кеңештин депутаттыгы үчүн өткөн бүгүнкү шайлоого Кеминден 13, Отузадырдан 6 талапкер ат салышты. (SM)
