Кемин райондук мамлекеттик администрациясынын жанына беш жүзгө чукул адам чогулушуп, БШКнын аталган чөлкөмдөгү 29-апрелдеги шайлоону жокко чыгарган 1-майдагы чечимине нааразы болушуп, мөөнөтсүз митингге чыгышкандарын жергиликтүү бийликке билдиришти. Алар шайлоодо Жогорку Кеңештин депутаттыгына ат салышкан талапкер Эрик Арсалиевдин жана шайлоочулардын укуктары бузулгандыгын айтышып, Борбордук шайлоо комиссиясы 1-майдагы чечимин жокко чыгаруусун талап кылышууда. (AJ)
