Советтик жоокердин эстелигин которуудан улам тутанган тополоңдун кайталануусунан кооптонгон Таллин полициясы кечээ күндөн тарта шаарда коомдук акцияларды өткөрүүгө тыюу салды. Мындан сырткары 9-май күнү Жеңиш майрамын белгилөө учурунда арак-шарап сатылбайт. Өткөн жумада Таллиндин борборунан Советтик жоокердин эстелигинин жылдырылышынан улам нааразылык чаралар жүрүп, кагылышуулардан бир Орусия жараны каза тапкан. Эстелик 30-апрель күнү Таллиндин четиндеги аскерий көрүстөнгө которулду.
