Ооганстандын Газни провинциясында жолдун боюна коюлган бомбанын жарылуусунан 5 полициячы мерт кетти. Провинциянын губернатор орун басары Мохаммад Казим Аллахиярдын маалымдашынча, алыстан башкарылган бомба полициянын машинасы өтүп баратканда жардырылган. Кечээ Фарах чөлкөмүндө талип согушкерлеринин буктурмасына кабылган 8 полициячы 6 саатка созулган ок атышууда набыт болушту.