Премьер-министр Алмазбек Атамбаев, үстүбүздөгү жылдын башында жер титирөөдөн катуу жапа чеккен, Лейлек районунун Өзгөрүш айылында болуп кайтты. Ал жерде негизинен жалпы Катран айыл өкмөтүнөн келген эл менен өкмөт башчысы суроо жооп жүргүздү. Алмазбек Атамбаев март айынын 15инен баштап Баткен облусундагы жер титирөөдөн жапа чеккен үй бүлөлөргө акчалай жана буудай ирретинде жардамдар бериле баштайт деп сөз берди. Ошондой эле өкмөт башчысы, азыркы бийликке оппозиция сөзсүз керек деп, чогулган элден мындан кийин бийликке карата сын пикирлерди айтып туруусун өтүндү. (SA)