Мындай маалыматты бүгүн 7-майда Республикалык соттук-медициналык эксперттик бюронун башчысы Кубат Шадыбеков билдирди. Бул күнү маркумдун уулу Урмат Акунов, бир туугандары, 5-апрелден тарта Бектемир Акунов менен бирге ачкачылык жарыялашкандар республикалык соттук медициналык экспертиза бюросунун алдында митинг өткөрүштү. "Биз адилеттүүлүктү талап кылабыз", "Эксперт калыс болсо, чыр чатак болбойот", "Ак ийилет, бирок сынбайт" жана башка жазууларды көтөрүп турушкан ондон ашуун адамдарга түш маалда экспертиза бюросунун башчысы Кубат Шадыбеков чыгып келди. “-Биз негизи бир ай аралыгында жыйынтык чыгарып беришибиз керек. Мени жогору жактан эч ким кысымга алган жок. 11-майда экспертизв жыйынтыгы чыгарылат”,-деп жооп кайтарды Кубат Шадыбеков.
