Көз карандысыз өзбек журналисти жана укук коргоочунунун аппеляциялык арызын караган сот кечээ ага мунапыс жарыялап, буга чейинки жазаны үч жылдык шарттуу жазага алмаштырды. Ташкен шаар соту ушул айдын башында Умида Ниязованы чек арадан мыйзамсыз өткөн, өлкөгө тыюу салынган адабиятты алып кирген деген кине менен 7 жылга эркинен ажыраткан эле. АКШ, Евробиримдик, ЕККУ жана адам укуктарын коргоочу бир катар эл аралык уюмдар өзбек сотунун бул чечимин катуу сынга алып келишкен.
