Бүгүн Хельсинки шаарында "Евровидение" деп аталган музыкалык мелдештин финалы өткөрүлөт. Ага катышкан 24 мамлекеттин он беши - мурдагы социалисттик жумурияттар. Мелдештин түз ободо сыналгы аркылуу көрсөтүлүшүн дүйнө жүзү боюнча 100 миллионго жакын адам көрөөрү күтүлүүдө, жеңүүчүнү болсо телекөрүүчүлөр телефон аркылуу тандайт, келерки жылдагы мелдеш - жеңген ырчынын мекенинде өткөрүлөт.