Ирактын борбору Багдад шаарында кечээ күнү жанкечтилер айдаган эки машине жарылып кеткенден кеминде 11 адам курман болуп, дагы жыйырмадай киши жараат алды. Ал машинелер биринин артынан бири келип, полиция түйүнүнүн жанында турган машинелерге тийгенден соң жарылган. Ирактагы америкалык аскерлердин башчысы генерал Дэвид Петреас болсо кечээ күнү аскерлерге кайрылып, аларды - колго түшкөндөрдү кыйнабоого чакырды.
