Израил эгер өлкөнүн түштүк аймактарын ракета менен атуу токтобосо, Газа секторунда аскерий операциясын күчөтөт. Мындай билдирүүнү өкмөттүн бүгүнкү жыйынында премьер-министр Эхуд Ольмерт жасады. Соңку алты күндөн бери Израил палестиндердин ХАМАС уюмуна караштуу обьектилерге аба соккусун жасоодо. Бүгүнкү чабуулдан эле кеминде 4 адам каза тапты. Бул аралыкта палестиндердин "Исламчыл Жихад" уюму Газа секторунда кокус жерден аскерий операция башталса, Израилдин аймагына ондогон жанкечти аялдарды жөнөтөрүн эскертти.
