Бишкектеги Ош базарынын ичиндеги «Берекет» соода комплексинде өрт чыкканы тууралуу кабар өрт өчүрүүчүлөргө таңкы саат бештен өткөндө түшкөн. Учурда өрт өчүрүлүп, анын эмне себептен чыкканы жана канча чыгым алып келгени иликтенүүдө. Жалпысынан өрт соода комплексиндеги 450 квадрат метр аянтты каптаган. Бактыга жараша тилсиз жоо адам өмүрүнө зыян алып келген жок. Бул тууралуу «Азаттыкка» чукул кырдаалдар министрлигинин басма сөз кызматынан кабарлашты. (SM)