Президент Виктор Ющенко баш прокурор Святослав Пискунду кызматынан бошотуп, анын ордуна Крымдын прокурору Виктор Шемчукту убактылуу дайындады. Пискундун кызматтан бошотулушу анын депутаттык мандатын тапшырбаганы менен негизделүүдө. Премьер-министр Виктор Янукович президенттин мындай чечимин мыйзамсыз деп атап, Жогорку Раданын секретариаты Пискундун депутаттыктан четтетүү арызын 14-майда эле каттоого алганын жана аны президент билүүгө тийиштигин билдирди.