Митингчилер менен жолугушуу үчүн Жогорку Кеңештин депутаты Болот Шерниязов эртең Таласка келмей болду. Бул тууралуу “Азаттыктын” кабарчысына депутаттын жардамчысы Акмат Дооронбеков билдирди. Анын айтымында, депутат кепилдик болуп убактылуу кармоочу жайда отурган лидерлерди чыгарат. Акыркы маалыматтар боюнча, митингке чыккандардын эч кимиси тараган жок. Аларга колдоо катары базарда иштегендер кошулуп келүүдө, деп билдирди Таластан кабарчыбыз. (MSu)
