Шайлоо участокторунда кошумча тизмелерди эсепке алганда 4592 шайлоочу катталган. Кайра шайлоого 78,6 % же 3609 шайлоочу катышты. Жыйынтыгында Жогорку Кеңештин депутаттыгына талапкер Эрик Арсалиевге 1847, дагы бир талапкер Сейтек Чалбаевге 153 шайлоочу добуш беришти. Бардык талапкерлерге 1085 каршы добуш берилген. Жалпысынан Кемин аймагындагы 44 шайлоо участокторундагы шайлоодо Эрик Арсалиев 5672, Сейтек Чалбаев 2771 добушка ээ болуп, бардык талапкерлерге каршы 4834 добуш берилген. БШКнын 1-майдагы №21-токтомуна ылайык аймактык комиссия кайра шайлоо өткөрүүдө милдетин аткарып, 28-майдагы чечимине ылайык 10-июнда экинчи айлампага шайлоодо көп добуш алышкан талапкерлер Э.Арсалиев менен С.Чалбаев катыша турган болду. Бул тууралуу Борбордук шайлоо комиссиясынын маалымат кызматынан бүгүн билдиришти. (AJ)
