ЖАЛАЛАБАТ. Облустагы аскер кызматчыларын жергиликтүү бийлик жана мекеме-уюмдардын башчылары куттукташты. Облбийликтин Ардак грамоталары жана акчалай сыйлыктары менен 40 аскер кызматкери сыйланды. Өзгөчө кызмат кылгандарга аскердик жаңы наамдар тапшырылды. Салтанатта сүйлөгөн губернатор Искендер Айдаралиев чек ара коопсуздугун бекемдөө зарылдыгын белгилөө менен 15 жыл мурда кийими жок кыргыз армиясынын бүгүнкү күндө материалдык-техникалык базасы чыңдалганын жана аскердик адистиги калыптанганын билдирди. 1999-2000-жылдары чет элдик террорчулар басып киргенде Баткен аймагын коргоодо жалалабаттык 11 тургун каза тапкан. (YA)